84 տարեկանում մահացել է Անգլիայի հավաքականի նախկին ֆուտբոլիստ եւ ֆուտբոլի աշխարհի չեմպիոն Ռոջեր Հանթը։ Այս մասին հայտնում է The Mirror-ը։

Ֆուտբոլիստի մահվան պատճառների մասին ոչինչ չի հաղորդվում։ 2006 թվականին Հանթը ներառվել է անգլիական ֆուտբոլի փառքի սրահում։ Նախկին մարզիկը մեծ սեր է վայելում «Լիվերպուլի» երկրպագուների շրջանում, որի կազմում նա հանդես է եկել 11 տարի։ Մերսիսայդցիների երկրպագուները նրան անվանել են «Սըր Ռոջեր Հանթ»՝ չնայած անգլիացու ասպետական տիտղոսի բացակայությանը։

Անգլիայի հավաքականի կազմում Հանթը 1962-1969 թվականներին անցկացրել է 34 հանդիպում: Նա 18 գոլ է խփել թիմի կազմում։ 1966-ին նա դարձավ ֆուտբոլի աշխարհի չեմպիոն։

2699