Մարտակերտում Ադրբեջանի ԶՈՒ դիպուկահարի կրակոցից 55-ամյա տղամարդու զոհվելու փաստի առնչությամբ քրգործ է հարուցվել
Ինչպես ավելի վաղ հայտնեցինք, Մարտակերտում Ադրբեջանի ԶՈՒ դիպուկահարի կրակոցից քաղաքացիական անձ է զոհվել:
Արցախի Հանրապետության ներքին գործերի նախարարության ոստիկանությունից հայտնում են՝ Ադրբեջանի ԶՈՒ դիպուկահարի կրակոցից մահացու հրազենային վիրավորում ստացած քաղաքացիական անձը Մարտակերտ քաղաքի 55-ամյա բնակիչ Արամ Տեփնանցն է:
Նշվում է, որ դեպքը տեղի է ունեցել կեսօրին՝ Մարտակերտ քաղաքի հարակից դաշտում:
Իրավապահ մարմինները կատարել են դեպքի վայրի և դիակի արտաքին զննություն: Նշանակվել է դիակի դատաբժշկական փորձաքննություն:
Հարուցվել է քրեական գործ: Կատարվում է նախաքննություն: Ստուգմամբ զբաղվում է Արցախի Հանրապետության քննչական կոմիտեն:
09 Հոկտեմբեր, 2021 17:23
1171