Ըստ ոստիկանության օպերատիվ հաղորդագրությունների ամփոփագրերի` հոկտեմբերի 28-29-ը Հայաստանի Հանրապետության ոստիկանության ստորաբաժանումները բացահայտել են հանցագործության 94 դեպք, որից 5-ը՝ նախկինում կատարված։

Մասնավորապես՝ անձնական ունեցվածքի գողության՝ 18, սառը զենք կրելու՝ 15, թմրամիջոցի հայտնաբերման՝ 9, խարդախության՝ 6, պաշտոնեական լիազորությունների չարաշահման՝ 5, մարմնական վնասվածք պատճառելու, զենք-զինամթերքի առգրավման ու ծեծի՝ 4-ական, հարկերից խուսափելու, ապօրինի ծառահատման և պաշտոնեական կեղծիքի կամ անփութության՝ 3-ական, ընտանեկան բռնության ու ծանր վիրավորանքի՝ 2-ական, ավազակային հարձակման, պետական-հասարակական ունեցվածքի գողության, բնակարանային գողության, ապօրինի կամ կեղծ ձեռնարկատիրության, խուլիգանության, կաշառակերության, իշխանության ներկայացուցչի նկատմամբ բռնության, ահաբեկչության մասին սուտ հաղորդում տալու, զինծառայողի կողմից թմրամիջոց կամ հոգեմետ նյութ ապօրինի գործածելու, անձնական կամ ընտանեկան կյանքի մասին տեղեկություններ ապօրինի հավաքելու, պահելու, օգտագործելու կամ տարածելու ու ծնողի կամ այլ մերձավորի ազգականի և երեխայի միջև տեսակցության իրականացմանը խոչընդոտելու՝ 1-ական դեպք։

Հայտնաբերվել է 6 հետախուզվող։ Կամավոր ներկայացել է 3 հետախուզվող։

Գրանցվել է զենք-զինամթերքի կամավոր հանձնման 1 դեպք։

Նախկինում կատարված հանցագործություններից բացահայտվել է անձնական ունեցվածքի գողության 5 դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար. 1 մարդ զոհվել է, 13-ը՝ ստացել տարբեր աստիճանի մարմնական վնասվածքներ:

281