Բրիտանական զորքերը կօգնեն Լեհաստանին ամրացնել Բելառուսի հետ սահմանի պարիսպը։ Այս մասին Twitter-ի իր միկրոբլոգում հայտնել է Լեհաստանի ազգային պաշտպանության նախարար Մարիուշ Բլաշչակը։

«Բրիտանական ինժեներական ուժերի աջակցությամբ հետախուզություն է սկսվել: Մեր զինվորները կհամագործակցեն լեհ-բելառուսական սահմանի պարիսպն ամրացնելու ուղղությամբ»,- գրել է նա։

Բելառուսի և ԵՄ երկրների սահմանին միգրացիոն ճգնաժամը սկսվել է 2021 թվականի ամռանը այն բանից հետո, երբ Լուկաշենկոն հայտարարեց, որ կթուլացնի վերահսկողությունը անօրինական միգրանտների հոսքերի վրա՝ արևմտյան երկրների հետ հարաբերությունների հերթական սրման ֆոնին։

331