Ամբողջ Ղազախստանում գրանցվել է ինտերնետի անջատում, նշվում է NetBlocks կազմակերպության տրամադրած տվյալներում, որը վերլուծում է ինտերնետի աշխատանքը։
«Հաստատված է. Ղազախստանն այժմ գտնվում է համազգային ինտերնետի անջատման մեջ՝ բջջային ինտերնետի մի օր խափանումներից և մասնակի սահմանափակումներից հետո: Դա, ամենայն հավանականությամբ, խստորեն կսահմանափակի աճող հակակառավարական ցույցերի լուսաբանումը»,– ասվում է NetBlocks-ի Twitter-ում:
.⚠️ Confirmed: #Kazakhstan is now in the midst of a nation-scale internet blackout after a day of mobile internet disruptions and partial restrictions.
— NetBlocks (@netblocks) January 5, 2022
The incident is likely to severely limit coverage of escalating anti-government protests.
📰 Report: https://t.co/Op5GwzXKbh pic.twitter.com/pdHJkJFe7v
Նշենք, որ Ղազախստանում չի աշխատում նաեւ հեռախոսակապը: Այս մասին հայտնում են ԶԼՄ-ները:
Հիշեցնենք, որ երեք օր է՝ Ղազախստանում հեղուկ գազի թանկացման պատճառով հանրահավաքները չեն դադարում։ Իշխանություններն արդեն հայտարարել են վառելիքի գինը նվազեցնելու մասին, սակայն բողոքի ակցիաները չեն մարում։ Այսօր՝ հունվարի 5-ին, Ղազախստանի նախագահ Կասիմ-Ժոմարտ Տոկաեւը կառավարության հրաժարականի հրամանագիր Է ստորագրել: Կառավարության անդամները շարունակում են կատարել իրենց պարտականությունները մինչեւ նախարարների կաբինետի նոր կազմի հաստատումը:
Ըստ վերջին տեղեկությունների՝ հիմա Ալմաթիի կենտրոնում բախումներ են տեղի ունենում ցուցարարների եւ ոստիկանության միջեւ:
Լյուսիյա Պետրոսյան