Ուկրաինայում տեղի ունեցող իրադարձությունները ևս մեկ անգամ խոսեցին աշխարհում երկակի ստանդարտների առկայության մասին։ Այս մասին հայտարարել է Թուրքիայի արտգործնախարար Մևլութ Չավուշօղլուն։
«Ուկրաինայի պատերազմը ևս մեկ անգամ ցույց տվեց աշխարհում երկակի ստանդարտների առկայությունը։ Անընդունելի է տարբերել արյունահեղությունը աշխարհի տարբեր շրջաններում։ Եղել են նրանք, ովքեր ասում էին, որ Ուկրաինան Մերձավոր Արևելք կամ Աֆղանստան չէ, սակայն Թուրքիայում ոչ մի տարբերություն չկա Խարկովում թե Հալեպում են մարդիկ մահանում»,- ասել է Չավուշօղլուն՝ երեքշաբթի օրը Իսլամաբադում ելույթ ունենալով Իսլամական համագործակցության կազմակերպության անդամ երկրների արտգործնախարարների հանդիպմանը։

426