Ավստրալիայի Ներկայացուցիչների պալատի նորընտիր անդամ Քեյլեա Թինքը կոչ է արել դաշնային կառավարությանը հստակորեն դատապարտել Ադրբեջանի վերջին հարձակումը Հայաստանի Հանրապետության ինքնիշխան սահմանների վրա։ Այս մասին հայտնում է Ավստրալիայի Հայ դատի հանձնախումբը։

Հայաստանի տարածքային ամբողջականության դեմ հարձակումների և երկրի քաղաքացիների մարդու իրավունքների ոտնահարման վերաբերյալ ավստրալահայերի ելույթներից հետո Թինքը Ավստրալիայի խորհրդարանում հանդես է եկել հայտարարությամբ՝ ներկայացնելով իրավիճակը սեպտեմբերի 13-ին ադրբեջանական ագրեսիայից հետո՝ միանալով Հայաստանի վրա ադրբեջանական հարձակման միջազգային դատապարտմանը։

229