ՌԴ նախագահի մամուլի քարտուղար Դմիտրի Պեսկովը հայտարարել է, որ ՀԱՊԿ-ի կազմալուծման փորձերը շարունակվելու են, բայց, չնայած դրան, կազմակերպությունը պահանջված է մնում: 

«ՀԱՊԿ-ի կազմալուծման փորձեր միշտ էլ եղել  են և կշարունակվեն: Բայց գոնե հիմա մենք տեսնում ենք, որ, չնայած բոլոր դժվարություններին և նույնիսկ մասնակից երկրների միջև հնարավոր հակասություններին, միևնույն է, կառույցը պահանջված է։ Այն լայնաֆորմատ կերպով ցույց տվեց իր պահանջվածությունն ու արդյունավետությունը»,- ասել է Պեսկովը՝ նկատի ունենալով Ղազախստանում իրավիճակի կարգավորումը: 

Հիշեցնենք, որ 2022 թ․ հունվարին ՀԱՊԿ Հավաքական խաղաղապահ ուժեր ուղարկվեցին Ղազախստան, որտեղ ներքին անկարգություններ և զանգվածային ցույցեր էին տեղի ունենում։

482