Freedom House միջազգային իրավապաշտպան կազմակերպությունը կոչ է արել Ադրբեջանին դադարեցնել Լաչինի միջանցքի արգելափակումը։
«Մենք կոչ ենք անում միջազգային հանրությանը վերահաստատել իր աջակցությունը ոչ հարկադրական բանակցություններին։ Ադրբեջանը պետք է դադարեցնի Լաչինի միջանցքի արգելափակումը, որը Լեռնային Ղարաբաղն արտաքին աշխարհի հետ կապող միակ ճանապարհն է։
Մեզ անհանգստացնում են նաև լուրերն այն մասին, որ Ադրբեջանը հերթական անգամ դադարեցրել է գազի մատակարարումը Լեռնային Ղարաբաղ։ Կոչ ենք անում Ադրբեջանի կառավարությանը վերականգնել տարածաշրջանի բնակչությանը գազի անխոչընդոտ մատակարարումը։
Վերջապես, մենք կոչ ենք անում ԵԱՀԿ Մինսկի խմբի երկրներին և 2020 թվականի նոյեմբերի 9-ի Եռակողմ հայտարարության կողմերին ձեռնարկել անհրաժեշտ քայլեր՝ ապահովելու Լեռնային Ղարաբաղի ժողովրդի իրավունքները և անվտանգությունը, ներառյալ նրանց ազատ տեղաշարժը»։
We call on the int'l community to reiterate its support for negotiations without coercion. Azerbaijan must cease its blockage of the Lachin corridor— the only road connecting Nagorno-Karabakh to the outside world. (1/3)https://t.co/39f9basCYd
— Freedom House (@freedomhouse) December 14, 2022