Մոսկվայի Դմիտրովսկայա կայարանի մոտ խոշոր հրդեհ է բռնկվել
Մոսկվայում՝ Դմիտրովսկայա մետրոյի կայարանի մոտ, հրդեհ է բռնկվել մեկհարկանի շենքում, հայտնում է ՌԴ ԱԻՆ-ը։
Նախնական տվյալներով՝ հրդեհը բռնկվել է Դոբրոլյուբով փողոցի շենքում, որտեղ գտնվում է ավտոսերվիս։ Հրդեհի մակերեսը կազմել է հազար քառակուսի մետր։
«Մինչ հրշեջների ժամանումը շենքից դուրս է եկել 233 մարդ»,- ասվում է ԱԻՆ հաղորդագրության մեջ։
Այս պահին պահեստի կենտրոնական հատվածում հրդեհի տարածման վտանգ կա։ Հրդեհի տարածման վտանգ կա նաև հարակից պահեստներում և շենքի վարչական հատվածում։ Հրդեհին նշանակվել է բարդության երրորդ աստիճան։
Զոհերի մասին տեղեկություն դեռ չի ստացվել։
10 Հունվար, 2023 20:02
485