ԵՄ երկրները որոնողափրկարարական խմբեր են ուղարկել Թուրքիա
ԵՄ երկրները տասը որոնողափրկարարական խմբեր են ուղարկել Թուրքիա՝ օգնելու հաղթահարել այդ երկրում տեղի ունեցած հզոր երկրաշարժի հետևանքները, ասվում է Եվրահանձնաժողովի հայտարարության մեջ։
Հիշեցնենք, որ Թուրքիայի Քահրամանմարաշ նահանգում ժամը 04.17-ին տեղի է ունեցել 7,4 մագնիտուդ ուժգնությամբ երկրաշարժ, որը ավերածությունների է հանգեցրել մի շարք քաղաքներ։ Ավերածություններ են գրանցվել նաև Սիրիայի մի քանի շրջաններում, իսկ երկրաշարժը զգացվել է նաև Լիբանանի մայրաքաղաք Բեյրութում։ Տեղեկություններ կան Թուրքիայում և Սիրիայում հարյուրավոր զոհերի մասին։
06 Փետրվար, 2023 20:05
450