Նոր Կեսարիա գյուղում ծիրանի մոտ 100 ծառ է այրվել

Փետրվարի 20-ին, ժամը 14։41-ին, Արմավիրի մարզային ճգնաժամային կառավարման կենտրոն ահազանգ է ստացվել, որ Նոր Կեսարիա գյուղի սկզբնամասում այրվում է ծիրանի այգի:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Հրդեհը մեկուսացվել է ժամը 15։18-ին, մարվել՝ 15:24-ին: Այրվել է ծիրանի այգու (6 հա) մոտ 4000 քմ հատվածը և մոտ 100 հատ ծիրանի ծառ: