ԵՄ արտաքին ծառայության խոսնակի հայտարարությունը Ադրբեջանում քաղաքական կուսակցությունների մասին նոր օրենքի վերաբերյալ.
Եվրամիությունը մտահոգված է քաղաքական կուսակցությունների մասին նոր օրենքով սահմանված սահմանափակումներով։ Սա կանխարգելող ազդեցություն կունենա քաղաքական բազմակարծության և հիմնարար իրավունքների ու ազատությունների վրա, ինչպիսիք են միավորումների ազատությունը, արտահայտվելու ազատությունը և խաղաղ հավաքների ազատությունը Ադրբեջանում: Այս իրավունքները հիմնարար են ժողովրդավարական հասարակության գործունեության համար:
ԵՄ-ն Ադրբեջանին կոչ է անում կատարել Եվրոպայի խորհրդի Վենետիկի հանձնաժողովի վաղեմի հանձնարարականները քաղաքական կուսակցությունների մասին նախկին օրենքի վերաբերյալ, ինչպես նաև Վենետիկի հանձնաժողովի և ԵԱՀԿ/ԺՀՄԻԳ-ի մարտի 13-ի կարծիքը նոր օրենքի վերաբերյալ։
Քաղաքական կուսակցությունները, լինելով քաղաքական ինքնադրսևորման հիմնական հավաքական գործիքները, նպաստում են քաղաքացիների քաղաքական կամքի արտահայտմանը։ Դինամիկ, հաշվետու և ներառական բազմակուսակցական համակարգերը պետք է երաշխավորվեն։
