Միջուկային պատերազմ երբեք չպետք է սանձազերծվի, կողմերը պետք է կենտրոնանան ուկրաինական ճգնաժամի դիվանագիտական լուծման վրա, երկուշաբթի օրը կայացած ճեպազրույցում ասել է Չինաստանի ԱԳՆ խոսնակ Մաո Նինգը՝ մեկնաբանելով Բելառուսում մարտավարական միջուկային զենք տեղակայելու Ռուսաստանի որոշումը։
«Անցյալ տարվա հունվարի 5-ին միջուկային զենք ունեցող երկրների ղեկավարները հանդես եկան համատեղ հայտարարությամբ, որում ասվում էր, որ անհնար է հաղթել կամ պայքարել միջուկային պատերազմում, ընդգծվում է, որ միջուկային զենք ունեցող պետությունների միջև պատերազմներից պետք է խուսափել և ռազմավարական ռիսկերը պետք է կրճատվեն»,- ասել է դիվանագետը՝ պատասխանելով РИА Новости-ի խնդրանքին՝ մեկնաբանելու Չինաստանի դիրքորոշումը Բելառուսում մարտավարական միջուկային զենք տեղակայելու Ռուսաստանի որոշումը։
Մաո Նինգն ընդգծել է, որ ներկա պայմաններում բոլոր կողմերը «պետք է կենտրոնանան դիվանագիտական ջանքերի վրա՝ ուկրաինական ճգնաժամը խաղաղ ճանապարհով լուծելու համար և միասին աշխատեն՝ օգնելու լիցքաթափել իրավիճակը»:
Նշենք, որ շաբաթ օրը Ռուսաստանի նախագահ Վլադիմիր Պուտինը հայտարարել է, որ Մոսկվան և Մինսկը պայմանավորվել են, որ առանց միջազգային պարտավորությունները խախտելու՝ մարտավարական միջուկային զենք կտեղակայեն Բելառուսում։ Պուտինը բացատրել է, որ Ռուսաստանը չի տեղափոխում իր միջուկային զենքը Բելառուս, այլ անում է այն, ինչ անում է ԱՄՆ-ն արդեն մեկ տասնամյակ։ Նրա խոսքով՝ Բելառուսում մարտավարական միջուկային զենքի պահեստավորման օբյեկտի շինարարությունը կավարտվի հուլիսի 1-ին։