Արդեն մի քանի օր է՝ համապատասխան մարմինները տեղեկություններ են տալիս առաջիկայում եղանակային փոփոխությունների մասին: Այս մասին այսօր կառավարության նիստին ասաց ՀՀ վարչապետ Նիկոլ Փաշինյանը՝ անդրադառնալով սպասվող եղանակային փոփոխություններին և օդի ջերմաստիճանի անկմանը:
«Ուզում եմ հրապարակային հանձնարարել, որ գյուղատնտեսական տնտեսությունների հետ աշխատելով՝ մենք այնպես անենք, որ ռիսկերը հնարավորինս կանխարգելենք, կառավարենք, որ ցրտահարություններ չլինեն, կամ դրանք նվազագույն աստիճանի հասցնել»,- ասաց նա և համապատասխան մարմիններին կոչ արեց մաքսիմալ ակտիվ աշխատանք կատարել՝ փոխվարչապետ Տիգրան Խաչատրյանի համակարգման ներքո:
Հիշեցնենք, որ մարտի 30-ին, 31-ին Սկանդինավիայի շրջաններից արկտիկական ցուրտ օդային հոսանքների ներթափանցմամբ պայմանավորված՝ օդի ջերմաստիճանը հանրապետության տարածքում մարտի 29-ի համեմատ, 30-ի ցերեկը կնվազի 5-6, 31-ին և՛ գիշերը, և՛ ցերեկը՝ ևս 6-8, ապրիլի 1-ի գիշերը՝ ևս 3-6 աստիճանով։
Մանրամասները՝ քիչ անց տեսանյութով: