Վրաստանի վարչապետ Իրակլի Ղարիբաշվիլին երկուշաբթի օրը հայտարարել է հանրապետության ներքին դատական գործերին օտար պետության միջամտության անթույլատրելիության մասին։
«Ուզում եմ ևս մեկ անգամ շեշտել այն, ինչն, իհարկե, անընդունելի է, և անհնար է թույլ տալ որևէ երկրի միջամտել ինքնիշխան երկրի ինքնիշխան դատարանին՝ լինի իշխանությունը, թե իշխանության մեկ այլ ճյուղ։ Իհարկե՝ միջամտությունը ներքին գործերին։ Մեր դատարանի գործերին՝ ըստ օտարերկրյա պետությունների: Ես ցանկանում եմ վերահաստատել մեր աջակցությունը դատավորներին»,- ասել է Ղարիբաշվիլին Վրաստանի արդարադատության բարձրագույն խորհրդի անդամների հետ հանդիպումից հետո՝ մեկնաբանելով վրացի դատավորների դեմ ԱՄՆ պատժամիջոցները։
Կառավարության ղեկավարը հավելել է, որ իշխանություններն ամեն ինչ անելու են դատական համակարգի անկախությունն ու ազատությունը պաշտպանելու համար։ «Մենք ամեն ինչ անելու ենք, որպեսզի պաշտպանենք դատական համակարգի անկախությունը, ազատությունը ցանկացած միջամտությունից, ճնշումից: Սա մեր հռչակած քաղաքականությունն է և մեր թիմի իշխանության գալուց հետո մեր գլխավոր նպատակը, որին ձգտում ենք»,- ընդգծել է նա։