Ինչքան էլ սիրտս ցավից կծկվում ա, հիմա հպարտ ենք պահում մեզ՝ քո ուզածի պես

Աննա Միսակյանն իր ֆեյսբուքյան էջում գրել է.

«Հիմա արդեն ինքը մենակ իմ հերոսը չի՝ մեր բոլորինն ա
Խամրեց արևը մեր, իմ ախպեր,

Իմ բալա, իմ տղա, իմ Խորոնա, ինքը հերոսաբար անմահացավ ու ինչքան էլ սիրտս ցավից կծկվումա, հիմա հպարտ ենք պահում մեզ՝ քո ուզածի պես.

-Ան, ի՞նչ ես ուզում դառնաս, որ մեծանաս:

- Դատավոր, բա դու՞:

-Զոհված ազատամարտիկ:

- Լավ ա չասեցիր ազգի հերոս:

Հավատարիմ մնացիր ասածիդ:

Ասում էր` ինչ մորքուր ես դու. բանակ են տանում, դու մի հատ շոկոլադ չես առնում:

Արի, իմ տղա, ինչ ուզես՝ կանեմ քո համար:

Հիմա պիտի ապրեք նենց, որ քեզ արժան լինենք:

Արիության մեդալ պիտի ստանայիր՝ հենց պոստերից իջնեիր: Հավետ իջար քո պոստից ու տվեցիր կյանքդ մեր կյանքի համար:

Ախ երանի լինեիր քայլող հերոսների շարքում:

Հանգչես խաղաղությամբ, իմ Խորո»:

24 Հոկտեմբեր, 2020 15:49

3144