Թուրքիայի նախագահ Ռեջեփ Թայիփ Էրդողանը Նախիջևանից վերադառնալիս ինքնաթիում պատասխանելով լրագրողների հարցերին նշել է, որ եթե Հայաստանը այս գործը գլուխ չբերի, ճանապարհը, կանցնի Իրանով Թուրքիայի նախագահ Ռեջեփ Թայիփ Էրդողանը նշել է.
«Զենգեզուրն ու Լաչինը պետք է դառնան խաղաղության միջանցքներ: Զենգեզուրը շատ կարևոր է, մենք կանենք հնարավոր ամեն ինչ, որպեսզի այս միջանցքը շուտափույթ բացվի։ Եթե Հայաստանը չբացի այդ ճանապարհը, այն կանցնի Իրանով»։
Նախագահ Ռեջեփ Թայիփ Էրդողանը Ադրբեջանից վերադառնալուն պես ինքնաթիռում պատասխանել է լրագրողների հարցերին և Զանգեզուրի և Լաչինի միջանցքների մասին ասել է հետևյալը.
«Զանգեզուրի միջանցքով Նախիջևանի և Ադրբեջանի այլ շրջանների հետ ճանապարհների և երկաթգծերի միջոցով ուղիղ կապերի հաստատումը կամրապնդի մեր հարաբերությունները։ Այս ամուր կապի շնորհիվ մենք հաջորդ ժամանակահատվածում մի քանի անգամ ավելի մեծ առաջընթացի կհասնենք, քան անցյալում, շատ առումներով։ Ուստի մենք ամեն ինչ անելու ենք, որ այս միջանցքը հնարավորինս շուտ բացվի։
Այս միջանցքը շատ կարևոր է Թուրքիայի և Ադրբեջանի համար և ռազմավարական խնդիր է, որը պետք է ավարտին հասցվի։ Երբ այս միջանցքը բացվի, Բաքվից դուրս եկող մեքենան կամ գնացքը կարող են անմիջապես հասնել Կարս։ Թուրքիայի և Ադրբեջանի միջև եղբայրությունը շատ ավելի կամրապնդվի: Իրանից դրական ազդակներ են գալիս, ինչը հուսադրող է։ Մեր հույսն է այս վայրերը դարձնել խաղաղության միջանցք: Այս միջանցքը հնարավոր չէ պատկերացնել որպես պատերազմի վայր։
Մենք պետք է այս խնդիրը լուծենք առանց կռիվների և բախումների։ Եթե համարենք, որ սա երկաթուղային համակարգ է, ապա Թուրքիայից Նախիջևանով եկող գնացքը կանցնի Հայաստանով եւ կհասնի Ադրբեջան։ Ինչ վերաբերում է Հայաստանով անցնելուն, եթե Հայաստանն այս ճանապարհը չբացի, ապա ինչպե՞ս է անցնելու։ Այն անցնելու է Իրանի տարածքով։ Իրանը հիմա դրան դրական է նայում, և այդ պատճառով հնարավոր է Իրանի տարածքով Ադրբեջան անցնելու հնարավորություն լինի»։