Առողջապահության նախարար Արսեն Թորոսյանն իր ֆեյսբուքյան էջում  գրել է

«Նազիկ Արմենակյան

2020-ի մարտի վերջերին, երբ Քովիդն անթափանցելի մշուշի պես էր, իսկ մեկուսացումը` պատուհանից արտաքին աշխարհին հետևելու միակ կերպն ու գիտակից շնչելու միջավայրը, դժվար էի պատկերացնում, որ մի օր կհայտնվեմ վերակենդանացման բաժանմունքում: Լուսանկարելու համար:

 

Հենց մուտքից բացվում է երևակայածս իրականությունը: Սպիտակ, սառը, ապակեպատ: Միջանցքներում անտեսանելի պատերազմի դեմ պայքարող ճերմակ արտահագուստով բժիշկները, բուժքույրերը, մայրապետներն են: Առջևս վերակենդանացման բաժանմունքն է, համավարակի «տեսանելի միջավայրը»` իր քայքայումով ու պայքարով: Այստեղ է, որ նույնիսկ չշնչող բժշկական արտահագուստով առաջին անգամ զգում եմ համավարակի հոտը, քայքայիչ օդը»։

 

1455