Նոյեմբերի 16-ին Տավուշի մարզի Նոյեմբերյան համայնքի Բագրատաշեն բնակավայրում ՆԳՆ ՓԾ Տավուշի մարզային փրկարարական վարչության աշխատանքային խմբի կողմից անց է կացվել ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների իրականացումը» թեմայով ուսումնավարժանք։
Վարժանքի ընթացքում Բագրատաշեն բնակավայրում տեղադրված էլեկտրական շչակի միջոցով իրականացվել է բնակչության ազդարարում։
Միևնույն ժամանակ Բագրատաշեն բնակավայրի, միջնակարգ և հիմնական դպրոցների, ինչպես նաև բժշկական ամբուլատորիայի աշխատակիցների հետ անց են կացվել «Բնակչության վարվելակերպի կանոնները «Օդային տագնապ» ազդանշանի դեպքում և տարհանման աշխատանքների իրականացումը» թեմայով դասընթացներ:
Կազմակերպվել է մասնակիցների տարհանում և պատսպարում:
Փրկարար ծառայության աշխատակիցների կողմից անցկացվող տեսական և գործնական միջոցառումների նպատակն է մասնակիցներին փոխանցել աղետների դեպքում ճիշտ և արագ կողմնորոշվելու գիտելիքներ:
Կարևորելով նմանատիպ միջոցառումների կազմակերպման անհրաժեշտությունը` դրանք կրելու են շարունակական բնույթ։