Մենք երբեմն անում ենք փոփոխություն, որոնց տակ չկա վերլուծություն կամ վիճակագրություն: Այս մասին այսօր «Ոստիկանության դերը ճանապարհային երթևեկության անվտանգության ապահովման գործում» քննարկման ժամանակ ասաց «Քաղաքացիական պայմանագիր» խմբակցության պատգամավոր Սիսակ Գաբրիելյանը:
«Մենք չունենք վիճակագրություն, թե ինչի են առաջանում ճանապարհատրանսպորտային պատահարներ՝ զոհերի հետ կապված»,- ասաց նա:
Ինչ վերաբերում է ամրագոտիներին, ապա նա ասաց, թե չկա վիճակագրություն նաև այն մասին, թե վթարներից եղած վնասների հետևանքները ամրագոտիներ չկապելն է եղել:
«Մենք անընդհատ ոստիկանությանն ենք մեղադրում, ժողովուրդ, բայց ոստիկանությունը ճանապարհատրանսպորտային պատարահների վրա ազդեցությունը մեղմացնելու գրեթե զրոյական լիազորություն ու գործառույթ ունի: Ճանապարհները գծանշված չեն՝ ոստիկանության խնդիրը չի, լուսացույցները չեն աշխատում՝ ոստիկանության խնդիրը չի, ճանապարհները ճիշտ կահավորված չեն՝ իր խնդիրը չի, ձնամաքրման աշխատանքները արված չեն՝ իր խնդիրը չի, այլ համայնքինն է»,- ասաց նա: