Ադրբեջանցի բլոգեր Մանաֆ Ջալիլզադեն Ալիևի ռեժիմին մեղադրել է կողոպուտներ կազմակերպելու, շանտաժի ենթարկելու և զբոսաշրջիկներին շորթելու մեջ։ Նրա խոսքով՝ ոստիկանները սեւ դիմակներով ներխուժում են մարդկանց տներ՝ նախապես իմանալով նրանց ունեցվածքի մասին, թալանում։

Նման դեպք է տեղի ունեցել նոյեմբերի 27-ին մի տարեց կնոջ հետ, որը գումար էր խնայում որդու մահվան տարելիցի համար։ Նրանից գողացել են 800 մանաթ (400 դոլար)։ Բլոգերը նաև զգուշացնում է զբոսաշրջիկներին, որ անվտանգության ծառայությունները հյուրանոցի սենյակներում թաքնված տեսախցիկներ են տեղադրում, մարդկանց ինտիմ լուսանկարներ են անում և շանտաժի միջոցով գումար են պահանջում նրանցից։

Բացի այդ, մի քանի օրվա ընթացքում խոշոր գումար է գողացվել Leo Bank-ի և Ադրբեջանի այլ բանկերի շահառուների հաշիվներից։

503