![](https://araratnews.am/admin/images/1707734162.webp)
Ադրբեջանի ԱԳՆ-ն ԱՀ-ում ԵՄ դեսպան Պյոտր Միխալկոյին հրավիրել է նախարարություն և այդ կապակցությամբ տարածվել է մամլո հաղորդագրություն, որում նշվում է, որ սահմանամերձ շրջաններ զանազան եվրոպական պաշտոնական և ոչ պաշտոնական պատվիրակությունների նմանատիպ այցերն առանց բացառության, իրականացվում են Ադրբեջանի նկատմամբ ատելություն սերմանելու և անհիմն ադրբեջանաֆոբիա հրահրելու նպատակով։
Առանձնապես մտահոգիչ է այն փաստը, որ «հեռադիտակային դիվանագիտության» այս ակտիվությունը նկատվում է այն ժամանակ, երբ սահմանին աննախադեպ անդորր է տիրում. Ադրբեջանը և Հայաստանը լուրջ քայլեր են ձեռնարկում վստահության ամրապնդման ուղղությամբ։
Հանդիպման ընթացքում ևս մեկ անգամ ընդգծվել է, որ Հայաստանում ԵՄ դիտորդական առաքելության գործունեությունը, որը հակասում է ձեռք բերված նախնական պայմանավորվածություններին, լուրջ մտահոգություն է առաջացնում։