Մենք նախորդիվ քննարել էինք բետոնե մայթի սալիկների վերաբերյալ ստանդարտները և վերջերս տեսել եմ, որ մրցույթ է հայտարարվել, որ այդ ստանդարտները չեն պահպանվում: Այս  մասին այսօր Երևանի քաղաքապետարանի գործակարգավարական նիստին ասաց քաղաքապետ Տիգրան Ավինյանը:

«Եկեք ֆիքսենք, որ բոլոր այս տեսակի աշխատանքները, որոնք կազմակերպվում են՝ լինի քաղաքապետարանի կողմից, լինի վարչական շրջանների կողմից, պարտադիր ԳՊՍՏ ստանդարտը գրված լինի:  Կենտրոնի մասով առհասարակ բետոնե սալիկները եկեք մոռանանք, Կենտրոնում անցնում ենք քարի և հասկանանք՝ ի՞նչն է պատճառը, ո՞վ  է այն աշխատակիցը, որ այդ շրջաբերականը, հանձնարարականը չի հասկացել և նորից մրցույթ է գնացել առանց ԳՕՍՏ-ի»,-ասաց նա և նշեց, որ ենթադրվում է, որ նկատողություն պետք է ստանա կոնկրետ մարդ:

310