Հունիսի 1-ին՝ Երեխաների պաշտպանության միջազգային օրը, Երևանի քաղաքապետարանի նախաձեռնությամբ տարվա լավագույն մանկական ներկայացումը հասանելի կլինի բոլոր փոքրիկների համար։ Այս մասին հայտնում են Երևանի քաղաքապետարանից:

«Հանրապետության հրապարակում, երեկոյան 20:00-ին կցուցադրվի «Փայլոու» մյուզիքլը՝ նոր մոտեցմամբ, զինված լուսային և ձայնային տեխնիկայով, նոր տպավորիչ բեմով։

Բոլորիդ հրավիրում ենք Հանրապետության հրապարակ՝ մասնակիցը դառնալու էմոցիաների ու էներգիայի մի նոր պայծառ հրավառության»,-ասված է հաղորդագրության մեջ: