Չինաստանի նախագահ Սի Ծինփինը ժամանել է Աստանա, որտեղ կկայանա Շանհայի համագործակցության կազմակերպության (ՇՀԿ) երկրների ղեկավարների խորհրդի 24-րդ նիստը։ Այս մասին հայտնում է «Սինհուա» գործակալությունը։

Չինաստանի առաջնորդը Պեկինից մեկնել է առավոտյան։ Նրան ուղեկցում են Չինաստանի Կոմկուսի կենտկոմի քարտուղարության ղեկավար Ցայ Ցին եւ ՉԺՀ արտաքին գործերի նախարար Վան Ին։

Միջազգային այս ուղեւորության ընթացքում, որը կտեւի մինչեւ հուլիսի 6-ը, նախատեսվում են նաեւ Սի Ծինփինի պետական ​​այցերը Ղազախստան եւ Տաջիկստան։

Ղազախստանը ՇՀԿ-ն նախագահելու է 2024թ.-ին։ Գագաթնաժողովը տեղի կունենա հուլիսի 4-ին Աստանայի Անկախության պալատում։ Ակնկալվում է, որ միջոցառմանը կմասնակցեն Ռուսաստանի, Ադրբեջանի, Բելառուսի, Հնդկաստանի, Իրանի, Ղազախստանի, Կատարի, Ղրղզստանի, Չինաստանի, Մոնղոլիայի, ԱՄԷ-ի, Պակիստանի, Տաջիկստանի, Թուրքմենստանի, Թուրքիայի և Ուզբեկստանի կառավարությունների ղեկավարները։ Գագաթնաժողովին կմասնակցեն նաև ՇՀԿ գլխավոր քարտուղար Չժան Մինգը և ՄԱԿ-ի գլխավոր քարտուղար Անտոնիո Գուտերեշը։