Ադրբեջանի արտաքին գործերի նախարար Ջեյհուն Բայրամովը Վաշինգտոնում ընթացող ՆԱՏՕ-ի գագաթաժողովի շրջանակում հանդիպել է ՆԱՏՕ գլխավոր քարտուղարի Հարավային Կովկասի եւ Կենտրոնական Ասիայի գծով հատուկ ներկայացուցիչ Խավիեր Կոլոմինայի հետ։

Ըստ Արբեջանի ԱԳՆ-ի՝ հանդիպման ժամանակ քննարկվել են Ադրբեջանի եւ ՆԱՏՕ-ի միջեւ գործընկերության տարբեր ուղղությունները, ներառյալ էներգետիկ անվտանգությունը, կարեւոր ենթակառուցվածքի պաշտպանությունը, ռազմական կրթությունն ու զորավարժությունները, ինչպես նաեւ հումանիտար ականազերծումը։

Օրակարգում են եղել նաեւ հայ-ադրբեջանական խաղաղության գործընթացը, տարածաշրջանային եւ միջազգային անվտանգության հարցերը։

160