Թուրքիան կարող է պաղեստինցիներին օգնելու համար մտնել Իսրայել, ինչպես դա արեց Լիբիայում և Լեռնային Ղարաբաղում, կիրակի հայտարարել է Թուրքիայի նախագահը։

Ռեջեփ Թայիփ Էրդողանը, սակայն, չի հստակեցրել, թե ինչ աջակցության մասին է խոսքը։

«Մենք պետք է շատ ուժեղ լինենք, որպեսզի Իսրայելը չկարողանա անհեթեթ գործողություններ անել Պաղեստինում։ Ինչպես մտանք Ղարաբաղ, ինչպես մտանք Լիբիա, նույնը կարող ենք նրանց նկատմամբ անել»,- այս մասին Ռիզե քաղաքում «Արդարություն և զարգացում» կուսակցության ժողովում հայտարարել է Թուրքիայի նախագահը։

«Չկա որևէ պատճառ, թե ինչու մենք չենք կարող դա անել։ Մենք պետք է այնքան ուժեղ լինենք, որպեսզի կարողանանք այդ քայլերը ձեռնարկել»,- հեռուստաուղերձում հավելել է Էրդողանը։