Բաժանորդագրվեք araratnews-ի տելեգրամ ալիքին։

Եվրամիությունը լրջորեն մտածում է Վրաստանին ֆինանսական օգնությունը դադարեցնելու մասին՝ «արտաքին ազդեցության» օրենքի պատճառով։

Այս մասին Europe Press-ին տված հարցազրույցում ասել է ԵՄ արտաքին և անվտանգության քաղաքականության հարցերով բարձր ներկայացուցիչ Ժոզեպ Բորելի մամուլի քարտուղար Փիթեր Ստանոն։
Ստանոն նշել է, որ իր ներկայացրած կազմակերպությունը լրջորեն մտահոգված է Վրաստանում տիրող իրավիճակով և այս օրենքը հետքայլ է համարում։

Նա հավելել է, որ որոշ ժամանակ առաջ ԵՄ-ն արգելափակել է 30 միլիոն եվրոյի հատկացումը Վրաստանի պաշտպանունակությունն ուժեղացնելու համար։

Նշենք, որ «Արտաքին ազդեցության մասին» օրենքը ուժի մեջ է մտել օգոստոսի 1-ից։