Բաժանորդագրվեք araratnews-ի տելեգրամ ալիքին։
Թալինի համայնքապետ Տավրոս Սափեյանի ուղերձը Երիտասարդության միջազգային օրվա առթիվ։
Սիրելիʹ երիտասարդներ Շնորհավորում եմ բոլորիդ Երիտասարդության միջազգային օրվա կապակցությամբ։ Այսօր Երիտասարդության միջազգային օրն է։ Դուք եք մեր ապագայի հենասյունն ու հույսը, մեր երազանքների և նպատակների իրականացնողը, կայուն պետականության կերտողն ու երկիր շենացնողը։ Սիրելի երիտասարդներ, եղեʹք ստեղծագործող, եղեʹք նախաձեռնող, եղեʹք աշխատանքում գործնական ու նպատակասլաց, ապրեք այն գիտակցությամբ, որ երիտասարդ տարիներին ձեր կողմից ստացած որակյալ գիտելիքներն ու բազմիմացությունը, կարողություններն ու հմտությունները լինեն ձեր ողջ կյանքի հաջողությունների բանալին։ Բարեմաղթում եմ մեր խաղաղ հայրենիքում Ձեզ՝ ստեղծագործական հաջողություններ։ Պատրաստ եմ միշտ լինել ձեր կողքին, աջակցելու ձեր գյուտարար և ստեղծագործ նախաձեռնությունների իրականացման գործընթացին։ Շնորհավոʹր տոնդ, Երիտասարդություն։
Թալին համայնքի ղեկավար Տավրոս Սափեյան
Երիտասարդների միջազգային օրվան ընդառաջ Թալինի համայնքի երիտասարդների համայնքապետ Տավրոս Սափեյանի ու համայնքապետարանի աշխատակիցների ուղեկցությամբ շրջեցին և հրավիրյալ գիտնական ՀՀ ԳԱԱ Հնագիտության և ազգագրության ինստիտուտի ավագ գիտաշխատող Աշոտ Մանուչարյանի՝ հետաքրքիր ու յուրահատուկ մատուցմամբ ծանոթացան համայնքի պատմամշակութային հուշարձանների պատմությանը, հարգանքի տուրք մատուցեցին տարբեր բնակավայրերում ամփոփված հերոսների հիշատակին: Կարևոր օրվա տպավորությունները ամփոփվեցին խարույկի շուրջ՝ հարց-պատասխան ձևաչափով: Ջերմ մթնոլորտում հնչեցին երաժշտական կատարումներ, եղավ նաև հյուրասիրություն: Այս միջոցառման նպատակը ըստ համայնքի ղեկավար Տավրոս Սափեյանի՝ երիտասարդներին համայնքի զարկերակին պահելն է, նաև մեծ հնարավորություն՝ նորովի բացահայտելու հայրենի համայնքի գանձերը: Ավարտին առավել ակտիվ մասնակիցները պարգևներ ստացան: -Սա շարունակական բնույթ է կրելու,- ներկաներին հավաստիացրեց համայնքի ղեկավարը: