Բաժանորդագրվեք araratnews-ի տելեգրամ ալիքին։
Հայաստանն ակնկալում է մինչև COP29-ը Ադրբեջանի հետ ստորագրել «խաղաղության համաձայնագիրը», գրում է Reuters-ը՝ հղում անելով Հայաստանի նախագահ Վահագն Խաչատուրյանին:
Նշվում է, որ, ելույթ ունենալով Համբուրգի կայուն զարգացման համաժողովի շրջանակում, Խաչատուրյանն, ասել է. «Եթե գործը միայն մեզ վերաբերվեր, մենք կստորագրեինք այն հենց հիմա, այսօր»:
Նա հավելել է, որ հույս կա՝ վաղ թե ուշ հասնել արդյունքի։
ՀՀ նախագահը հայտնել է, որ Ադրբեջանի պաշտոնատար անձանց հետ դեռևս բանակցություններ են ընթանում մի շարք այլ հոդվածների շուրջ:
Խաչատուրյանը նաև հավելել է, որ հաջողությամբ են ընթանում Հայաստանի և Թուրքիայի միջև երրորդ երկրների քաղաքացիների և դիվանագիտական անձնագրեր ունեցողների համար ցամաքային սահմանի բացման շուրջ բանակցությունները։