Բաժանորդագրվեք araratnews-ի տելեգրամ ալիքին։
Ֆրանսիայի և Մեծ Բրիտանիայի կողմից SCALP և Storm Shadow հրթիռներով ռուսական տարածքի խորքերին հարվածներ հասցնելու թույլտվության մասին տեղեկատվությունը հանվել է կիրակի երեկոյան Le Figaro թերթի կայքում հրապարակված հոդվածից։
Լուրը կապված է եղել The New York Times-ի այն տեղեկությունների հետ, թե ԱՄՆ նախագահ Ջո Բայդենը թույլատրել է Ռուսաստանի տարածքի խորքերին հարվածներ հասցնել ATACMS մարտավարական բալիստիկ հրթիռներով։
«Ֆրանսիացիները և բրիտանացիները թույլ են տվել Ուկրաինային հարվածել ռուսական տարածքի խորքերին իրենց SCALP և Storm Shadow հրթիռներով»,- ասվում է նյութի սկզբնական տարբերակում, բայց այս նախադասությունն այժմ բացակայում է:
Թերթի խմբագիրները դեռ չեն արձագանքել ռուսական ТАСС լրատվական գործակալության հարցմանը, թե ինչու է հանվել այս մեջբերումը, և արդյոք հավաստի է SCALP և Storm Shadow հրթիռների կիրառման մասին այս տեղեկությունը։