Բաժանորդագրվեք araratnews-ի տելեգրամ ալիքին։
Բելառուսի նախագահ Ալեքսանդր Լուկաշենկոն կարծում է, որ աշխարհը երրորդ համաշխարհային պատերազմի շեմին է։
«Վերջին շրջանում մենք շատ ենք խոսում այն մասին, որ, Աստված տա, որ երրորդ համաշխարհային պատերազմը չսկսվի, որ մենք հենց այս սարսափելի իրադարձության նախօրեին ենք, բայց, փառք Աստծո, մարդկությունը դեռ մի կերպ դանդաղում է և չի ընկղմվում երրորդ համաշխարհային պատերազմի մեջ»,- ասել է Լուկաշենկոն մի շարք հումանիտար համալսարանների ուսանողների հետ հանդիպման ժամանակ։ Նրա ելույթից մի հատված ցուցադրել է Առաջին լրատվականը։
Միաժամանակ նախագահն ընդգծել է, որ տեւական ժամանակ է, ինչ իրական տեղեկատվական պատերազմ է ընթանում։ «Այն, որ իրական տեղեկատվական պատերազմ է ընթանում, դա միանշանակ է»,- ասել է նախագահը։ Նրա խոսքով՝ տեղեկատվությունն է կառավարում աշխարհը։