Բաժանորդագրվեք araratnews-ի տելեգրամ ալիքին։
Հնդկաստանի վարչապետ Նարենդրա Մոդին ծրագրում է փետրվարին այցելել Ֆրանսիա։ Ինչպես հաղորդում է The Hindu թերթը՝ վկայակոչելով իր աղբյուրներին, Փարիզում կարող են գործարքներ կնքվել Հնդկաստանի ռազմածովային ուժերի համար Rafale կործանիչների և Scorpene սուզանավերի ձեռքբերման վերաբերյալ։
«Սպասվում է, որ վարչապետ Մոդին կայցելի Փարիզ՝ մասնակցելու արհեստական ինտելեկտի գագաթնաժողովին: Այցը կունենա նաև երկկողմանի բաղադրիչ: Կողմերն աշխատում են երկու գործարքի վրա, որոնք քննարկման վերջնական փուլում են»,- ասել է աղբյուրը։ Հնդկաստանի կառավարության ղեկավարը հրավեր է ստացել մասնակցելու գագաթնաժողովին, որը կանցկացվի Ֆրանսիայում փետրվարի 10-ին և 11-ին։
Փարիզն ու Նյու Դելին ամիսներ շարունակ քննարկում էին ավելի քան 10 միլիարդ դոլար արժողությամբ գործարքը՝ հնդկական ռազմածովային ուժերի համար Rafale-M կործանիչներ և Scorpene դասի սուզանավեր գնելու վերաբերյալ: