Եթե ձեր ընկերոջը, բարեկամին, ամուսնուն փոխանցել եք մինչև 300 հազար դրամ, կարող եք չհայտարարագրել դա. Չախոյան

Բաժանորդագրվեք araratnews-ի տելեգրամ ալիքին։

ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում անդրադարձել է համընդհանուր հայտարարագրմանը և որոշ մանրամասներ հայտնել:

«Մինչև 300,000 դրամ փոխանցումները կարող եք չհայտարարագրել։

Եթե ձեր ընկերոջը, բարեկամին, ամուսնուն փոխանցել եք մինչև 300 հազար դրամ, ապա կարող եք չհայտարարագրել փոխանցումը։ Այդ փոխանցումը հարկման ենթակա չէ։
Եթե կատարել եք 300 հազար դրամը գերազանցող փոխանցում, ապա պետք է հայտարարագրեք։ Այդ փոխանցումը հարկման ենթակա չէ։
Եթե արտերկրից Ձեզ անհատույց կամ նվիրատվությամբ կատարվել է փոխանցում, որը չի գերազանցում 300 հազար դրամը, ապա կարող եք չհայտարարագրել, հակառակ դեպքում՝ պետք է հայտարարագրեք։ Փոխանցված գումարը երկու դեպքում էլ հարկման ենթակա չէ։

Խոսքը վերաբերում է ոչ թե մեկ տարվա կտրվածքով արված փոխանցումներին, այլ միանվագ գործարքներին»,- գրել է նա:

22 Հունվար, 2025 13:29

147