Բաժանորդագրվեք araratnews-ի տելեգրամ ալիքին։
ԱՄՆ ներգաղթի և մաքսային ծառայության (ICE) հարկադիր կատարման և արտաքսման գրասենյակի կողմից կազմված փաստաթուղթը ցույց է տվել, որ 2024 թվականի նոյեմբերի 24-ի դրությամբ ԱՄՆ-ում չկալանավորվածների ցուցակում եղել է ընդհանուր առմամբ 1,445,549 ոչ քաղաքացի՝ վերջնական արտաքսման հրամաններով:
Ըստ այդ փաստաթղթի՝ ԱՄՆ-ն կարտաքսի Հայաստանի 2808, Ադրբեջանի 709, Վրաստանի 833 քաղաքացու։
Ամենամեծ թիվն են կազմում Հոնդուրասը՝ 252,04 և Գվատեմալան՝ 253,413 քաղաքացի։
Այս փաստաթղթի համաձայն, կան պատճառներ, որոնց արդյունքում ICE-ը չի կարողան իրականացնել ոչ քաղաքացու արտաքսումը վերջնական հրամանով: Ոչ քաղաքացիները կարող են ստանալ օգնության կամ արտաքսումից պաշտպանության որևէ ձև, որը կարող է ներառել ապաստանի տրամադրում, երկրից վտարման դեպքում կամ խոշտանգումների դեմ կոնվենցիայով պաշտպանություն: Եթե ոչ քաղաքացուն տրվում է արտաքսման դեմ որևէ արտոնություն, ICE-ն չի կարող իրականացնել այն:
Հիշեցնենք, որ երդմնակալությունից անմիջապես հետո Թրամփը ստորագրեց մի շարք կոշտ հրամաններ՝ կապված միգրանտների հետ։ Դրանց թվում է ԱՄՆ-ում ծնվածների ավտոմատ քաղաքացիությունը դադարեցնելու հրամանը, որով կբացառի ԱՄՆ-ում ծնված այն երեխաների քաղաքացիությունը, որոնց ծնողները ոչ քաղաքացիներ են, ոչ էլ օրինական մշտական բնակիչներ:
Բացի այդ՝ կկասեցվի փախստականների վերաբնակեցումը առնվազն չորս ամսով։
Կմեկնարկի նաև «Մնա Մեքսիկայում» քաղաքականությունը, որի արդյունքում երրորդ երկրներից ԱՄՆ-ում ապաստան հայցողներից պահանջվում է սպասել Մեքսիկայում։ Կկրճատվի նաև ապաստանի համար ընդունված դիմումների քանակը։