Բաժանորդագրվեք araratnews-ի տելեգրամ ալիքին։
Կանանց միջազգային օրվա առթիվ Թուրքմենստանի իշխանությունները կանանց 60 մանաթի (մոտ 17 դոլարի) չափով դրամական նվերներ կհանձնեն։ Այս մասին հայտնի է դարձել փետրվարի 21-ին կայացած կառավարության նիստում։
Ինչպես հաղորդում է Թուրքմենական հեռուստատեսության «Վաթան» լրատվական ծրագիրը, 2025 թվականի մարտի 1-6-ը կտրամադրվեն դրամական նվերներ։ Դրանք կփոխանցվեն պետական և մասնավոր հաստատություններում աշխատող կանանց, թոշակառուներին, սոցիալական նպաստ ստացողներին, ինչպես նաև կրթական բոլոր մակարդակների ուսանողներին՝ մանկապարտեզի սաներից մինչև դոկտորանտներ:
Թուրքմենստանի նախագահ Սերդար Բերդիմուհամեդովի ստորագրած փաստաթղթի համաձայն՝ վճարումների մասին որոշումը կայացվել է «նկատի ունենալով երկրի զարգացման և բարգավաճման գործում կանանց վաստակը, ինչպես նաև շարունակել «մայրերին և քույրերին մեծարելու ազգային ավանդույթները»։