Բաժանորդագրվեք araratnews-ի տելեգրամ ալիքին։
ԱՄՆ Կոնգրեսի օրենսդիրների երկկուսակցական խումբը օրինագիծ է մշակել, որը կոչ է անում ազատ արձակել տնտեսագետ Գուբադ Իբադօղլուին, որը ներկայումս տնային կալանքի տակ է։
Araratnews.am-ը այս մասին հայտնում է՝ հղում անելով ադրբեջանական ընդդիմադիր լրատվական MeydanTV-ն-ին, որը մեջբերել էր Վաշինգտոնում բնակվող ադրբեջանցի լրագրող Ալեքս Ռաուֆօղլուի՝ X-ում արած գրառումը։
«Ադրբեջանի համար ինքնաթիռների շարժիչների արտահանումը սահմանափակելու մասին» օրինագիծը նախատեսում է արգելել նախագահ Իլհամ Ալիևի ինքնաթիռների պահեստամասերի արտահանումը մինչև Գուբադ Իբադօղլուի ազատ արձակումը։
Օրինագիծը պահանջում է, որ ԱՄՆ պետքարտուղար Մարկո Ռուբիոն Կոնգրեսի համապատասխան հանձնաժողովներին զեկույց ներկայացնի Գուբադ Իբադօղլուի կալանքի կարգավիճակի, նրա ազատ արձակմանն ուղղված ԱՄՆ դիվանագիտական ջանքերի և պատժամիջոցները շրջանցելու Ադրբեջանի փորձերի մասին ոչ ուշ, քան դրա ընդունումից 30 օր հետո:
Եթե oրինագիծը ուժի մեջ մտնի, Միացյալ Նահանգները պատժամիջոցներ կկիրառի ցանկացած օտարերկրյա ընկերության, ֆինանսական հաստատության կամ կառավարության նկատմամբ, որը կհեշտացնի GE90-110B1L կամ GE90-115B շարժիչի մասերի արտահանումը Ադրբեջան, ներառյալ խախտողի մասնակցությամբ ֆինանսական գործարքների արգելափակումը և խախտողի ԱՄՆ արտահանման արտոնությունները: