Բաժանորդագրվեք araratnews-ի տելեգրամ ալիքին։
Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև առաջիկա օրերին հեռախոսազրույց չի նախատեսվում. դա նախատեսված չէ ժամանակացույցի մեջ:
Այս մասին, Araratnews.am-ի փոխանցմամբ, տեղական լրատվամիջոցներին ասել է ՌԴ նախագահի մամուլի քարտուղար Դմիտրի Պեսկովը։
«Ոչ, առաջիկա օրերին դեռ պլաններ չկան, ժամանակացույցում դեռ ոչինչ չկա»,- ասել է Պեսկովը։
Նշենք, որ Պուտինը հեռախոսազրույց է ունեցել Թրամփի հետ մարտի 18-ին, զրույցի ընթացքում Թրամփը առաջարկ է արել հակամարտող կողմերին 30 օրով հրաժարվել էներգետիկ ենթակառուցվածքների օբյեկտների վրա հարձակումներից։ Պուտինը աջակցել է այս նախաձեռնությանը, ավելի ուշ Վլադիմիր Զելենսկին ասել է, որ Ուկրաինան ևս կաջակցի էներգետիկ ենթակառուցվածքների վրա հարձակումները դադարեցնելու առաջարկին։