Բաժանորդագրվեք araratnews-ի տելեգրամ ալիքին։
Բրիտանական Jaguar Land Rover ավտոարտադրողը հայտարարել է, որ մեկ ամսով կդադարեցնի մատակարարումները Միացյալ Նահանգներ՝ նախագահ Դոնալդ Թրամփի 25 տոկոս մաքսատուրքի «առևտրային նոր պայմանների» պատճառով: Հնդկաստանի Tata Motors-ին պատկանող Jaguar Land Rover-ն ԱՄՆ-ում ավելի քան 200 դիլեր ունի, ասվում է ընկերության կայքում: «ԱՄՆ-ը կարևոր շուկա է JLR-ի շքեղ ապրանքանիշերի համար», - CNN-ին ասել է Jaguar Land Rover-ի ներկայացուցիչը: «Երբ մենք աշխատում ենք մեր բիզնես գործընկերների հետ առևտրային նոր պայմանների վրա, մենք կարճաժամկետ միջոցներ ենք ձեռնարկում, ներառյալ ապրիլին առաքումների կասեցումը և մեր միջնաժամկետ և երկարաժամկետ ծրագրերի մշակումը»:
Մաքսատուրքերը, որոնք վերաբերում են Միացյալ Նահանգներից դուրս հավաքված բոլոր մեքենաներին, սահմանվել են հինգշաբթի՝ որպես ամերիկյան արտադրական հատվածում աշխատատեղերը վերականգնելու Թրամփի վարչակազմի ջանքերի մի մաս: