Բաժանորդագրվեք araratnews-ի տելեգրամ ալիքին։
Սանկտ Պետերբուրգի Պետրոգրադսկի շրջանային դատարանը Իգոր Տալկովի նախկին համերգային տնօրեն Վլադիմիր Շլյաֆմանին հեռակա կարգով դատապարտեց 13 տարվա ազատազրկման՝ 1991 թվականին արտիստի սպանության համար: Araratnews.am-ի փոխանցմամբ՝ այս մասին հայտնել է Սանկտ Պետերբուրգի դատարանների միասնական մամուլի ծառայությունը:
Դատարանը որոշել է Շլյաֆմանին ուղարկել ընդհանուր ռեժիմի ուղղիչ գաղութ՝ պատիժը կրելու։ Մեղադրյալի պաշտպանը նախկինում միջնորդել էր, որ իրենց պաշտպանյալը լիովին արդարացվի։
Դատական նիստերը տեղի են ունեցել առանց Շլյաֆմանի մասնակցության։ Հետաքննիչների տվյալներով՝ հանցագործությունը կատարելուց հետո նա մեկնել է Իսրայել, որտեղ ներկայումս բնակվում է։
Արտիստը սպանվել է Սանկտ Պետերբուրգի համերգասրահի հետնաբեմում 1991 թվականի հոկտեմբերի 6-ին։