Բաժանորդագրվեք araratnews-ի տելեգրամ ալիքին։
Վոլոդիմիր Զելենսկու հետ հանդիպումից հետո Դոնալդ Թամփը գրառում է կատարել Truth Social-ում: Նա համոզմունք է հայտնել, որ Ռուսաստանի նախագահը որևէ պատճառ չուներ Ուկրաինայի բնակելի շրջաններին վերջին հարվածների համար:
«Դա ինձ ստիպում է մտածել, որ Պուտինը, հնարավոր է, չի ցանկանում դադարեցնել պատերազմը, նա ուղղակի խաղ է խաղում ինձ հետ, ինչը նշանակում է, որ հարկավոր է գնալ պատժամիջոցների ճանապարհով»,- նշել է ԱՄՆ նախագահը:
Ավելի վաղ Դոնալդ Թրամփը հայտարարել էր, որ Ուկրաինան և Ռուսաստանը շատ մոտ են համաձայնության հասնելուն:
«Հիմնական կետերի մեծ մասը համաձայնեցված է։ Դադարեցրե՛ք արյունահեղությունը հենց հիմա։ Մենք էլ կնպաստենք այս դաժան և անիմաստ պատերազմի դադարեցմանը»,- Truth Social-ում գրել է Սպիտակ տան ղեկավարը։
Թրամփը հավելել է, որ երեկ իր բանագնաց Սթիվ Ուիտկոֆի և Վլադիմիր Պուտինի հանդիպումն արդյունավետ է եղել: