Բաժանորդագրվեք araratnews-ի  տելեգրամ ալիքին։

Xiaomi-ն հայտարարել է, որ յոթ հայտնի սմարթֆոններ «մոտենում են կյանքի ցիկլի ավարտի» փուլին, ինչը նշանակում է, որ դրանք այլևս չեն ստանա ծրագրային աջակցություն, այդ թվում՝ անվտանգության թարմացումներ և օպերացիոն համակարգի նոր տարբերակներ։ Այս մասին, Araratnews.am-ի փոխանցմամբ, հայտնել է GizChina պորտալը։

Հնացածների ցանկում են Poco F4 GT, Redmi K50 Gaming, Redmi 10A, Redmi Note 11S, Redmi Note 11 Pro+ 5G, Xiaomi 11i, Xiaomi 11i HyperCharge մոդելները:

Poco F4 GT և Redmi K50 Gaming սմարթֆոնների աջակցությունը Android 14-ի վրա հիմնված HyperOS տարբերակում կդադարի ստանալ թարմացումներ։

Մնացած մոդելները կմնան նախկին ծրագրային տարբերակներով՝ Redmi 10A-ն՝ MIUI 12.5-ով և չորս այլ սարքեր՝ HyperOS 1-ով՝ Android 13-ի վրա հիմնված։

Թեև ծրագրային ապահովման աջակցության դադարեցմանը, սմարթֆոնները կշարունակեն գործել՝ թույլ տալով զանգեր կատարել, մուտք գործել ինտերնետ և գործարկել հավելվածներ։ Սակայն սարքերը դառնում են ավելի խոցելի հաքերային հարձակումների նկատմամբ, և ժամանակի ընթացքում օգտատերերը կարող են բախվել ծրագրային ապահովման համատեղելիության խնդիրների։

Օգտատերերը կարող են օգտագործել հատուկ (custom) թարմացումներ (օրինակ՝ LineageOS)՝ վերջին Android տարբերակներ ստանալու համար, սակայն դա չի երաշխավորում ամբողջական անվտանգություն: