ՀՀ-ն մշտապես եղել է եվրոպական քաղաքակրթության մաս՝ կիսելով ընդհանուր պատմական ժառանգությունն ու արժեքային հիմքերը․ ԱԳՆ գլխավոր քարտուղար

Բաժանորդագրվեք araratnews-ի տելեգրամ ալիքին։

Մայիսի 9-ին Կոմիտասի թանգարան-ինստիտուտում տեղի է ունեցել Եվրոպայի օրվան նվիրված հանդիսավոր համերգային միջոցառում, որին մասնակցել և բացման խոսքով են հանդես եկել ՀՀ արտաքին գործերի նախարարության գլխավոր քարտուղար Դավիթ Կարապետյանը և Հայաստանի Հանրապետությունում Եվրոպական միության պատվիրակության ղեկավար, ԵՄ դեսպան Վասիլիս Մարագոսը: Այս մասին հայտնում են ՀՀ ԱԳՆ-ից։

Իր ելույթում Դավիթ Կարապետյանն ընդգծել է.

«Եվրոպայի օրը խորհրդանշում է խաղաղությունը, միասնությունը և արժեքների հանդեպ նվիրվածությունը։ Հայաստանը մշտապես եղել է եվրոպական քաղաքակրթության մաս՝ կիսելով ընդհանուր պատմական ժառանգությունն ու արժեքային հիմքերը։ Այս տարիներին մենք ականատես ենք եղել Հայաստան–ԵՄ հարաբերությունների աստիճանական խորացմանը՝ հատկապես մշակույթի, կրթության և մարդկային շփումների ոլորտներում»։

Գլխավոր քարտուղար Կարապետյանը հատուկ շեշտել է միջմշակութային երկխոսության դերը ժողովուրդների միջև կամուրջներ կառուցելու և համընդհանուր արժեքների ամրապնդման գործում՝ արժևորելով Եվրոպական միության և Հայաստանի միջև ձևավորված մշակութային կապերն ու փոխվստահությունը։

Միջոցառմանը ելույթ է ունեցել Հայաստանի վաստակավոր արտիստ Հայկ Մելիքյանը դաշնամուրային մենահամերգով:

09 Մայիս, 2025 23:21

381

Քուվեյթում Հայաստանի դեսպանը իր հավատարմագրերն է հանձնել երկրի էմիրին

20 Մայիս, 2025 17:22

Կյանքից հեռացել է Նոբելյան մրցանակակիր Արտեմ Փաթափությանի հայրը՝ գրող Սարգիս Վահագնը

20 Մայիս, 2025 13:04

Լավրովը մայիսի 20-21-ը կլինի Հայաստանում․ նախատեսվում է հանդիպում Փաշինյանի հետ․ ՌԴ ԱԳՆ

19 Մայիս, 2025 14:22

Եվրոպայի խորհրդի գլխավոր քարտուղարը խաղաղության համաձայնագրի շուրջ քննարկումներ կունենա Երևանի և Բաքվի հետ

16 Մայիս, 2025 13:34

Հայաստանին կվերադարձվի Երևանի հեռուստաաշտարակին հարող տարածքի՝ շուրջ 1 միլիոն 677 հազար դոլար արժեքով հողամասը. հայցը բավարարվել է