Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը Ռուսաստանի առաջնորդ Վլադիմիր Պուտինի հետ հեռախոսազրույցից հետո եվրոպական երկրների առաջնորդներին և Վլադիմիր Զելենսկիին ասել է, որ մտադիր չի այժմ պատժամիջոցներ կիրառել Ռուսաստանի դեմ, քանի որ Մոսկվան, նրա կարծիքով, լրջորեն հանձնառու է կարգավորելու ուկրաինական հակամարտությունը։
Այս մասին, Araratnews.am-ի փոխանցմամբ, Axios հարթակին հայտնել են Թրամփի և եվրոպացի առաջնորդների զրույցի մասնակիցները։
Հարթակի աղբյուրների փոխանցմամբ՝ ԱՄՆ նախագահը վստահություն է հայտնել, որ Ռուսաստանը «ցանկանում է գործարք կնքել» և համաձայն է «անմիջապես» սկսել հրադադարի շուրջ ուղիղ բանակցություններ։ Եվրոպացի առաջնորդները «զարմացած և ցնցված» են եղել Թրամփի հայտարարությունից՝ Ռուսաստանի նկատմամբ նոր պատժամիջոցներ կիրառելու իր դժկամության, ինչպես նաև Ռուսաստանի առաջնորդ Վլադիմիր Պուտինի նկատմամբ նրա հարգալից տոնի մասին։