Բաժանորդագրվեք araratnews-ի տելեգրամ ալիքին։
Վրաստանի վարչապետ Իրակլի Կոբախիձեն մեղադրել է Ֆրանսիայի նախագահ Էմանուել Մակրոնին, Լեհաստանի վարչապետ Դոնալդ Տուսկին և Գերմանիայի կանցլեր Ֆրիդրիխ Մերցին էթիկետի բացակայության մեջ՝ կապված Վրաստանի անկախության օրվա կապակցությամբ այդ քաղաքական գործիչների արած համատեղ հայտարարության հետ։
Երկուշաբթի օրը Մակրոնը, Տուսկը և Մերցը հատուկ նամակով շնորհավորել են վրաց ժողովրդին Անկախության օրվա կապակցությամբ և դատապարտել վրացական իշխանությունների գործողությունները քաղաքացիական հասարակության, լրատվամիջոցների և հակառակորդների նկատմամբ։
«Նախևառաջ, էթիկայի հարց է մայիսի 26-ին նման հայտարարություն չանելը։ Մայիսի 26-ը տոնական օր է, և նման օրերին ընդունված է շնորհավորական նամակներ ուղարկել և տոնական հայտարարություններ անել։ Նրանք չեն հետևում արարողակարգին և էթիկետին, ինչը նշանակում է, որ չեն գործում իրական օբյեկտիվ շահերին համապատասխան»,- լրագրողներին ասել է վարչապետը։