Բաժանորդագրվեք araratnews-ի տելեգրամ ալիքին։
«Քաղաքացիական պայմանագիր» խմբակցության պատգամավոր Ալխաս Ղազարյանը շնորհավորական ուղերձ է հղել Հանրապետության տոնի առթիվ․
«Սիրելի՛ հայրենակիցներ,
1918 թվականին Սարդարապատի, Բաշ Ապարանի և Ղարաքիլիսայի ճակատամարտերով հայ ժողովուրդը վերահաստատեց ազատ, անկախ և ինքնիշխան ապրելու իր կամքը՝ դարերի ընդմիջումից հետո վերականգնելով հայոց անկախ պետականությունը:
Հայաստանի Առաջին Հանրապետության հռչակումը շրջադարձային իրադարձություն էր։ Չնայած իր կարճ գոյությանը՝ այն ամուր հիմք դարձավ մեր ներկա պետականության։
Հայ ժողովրդի դարավոր պայքարն ու երազանքը այսօր իրական է՝ ի դեմս Հայաստանի Հանրապետության, նրա ժողովրդի և պետականության խորհրդանիշների։
Շնորհավորում եմ բոլորիս Հանրապետության օրվա՝ մեր համազգային տոնի առթիվ։
Փա՛ռք հայրենիքի համար ընկած հերոսներին։
Կեցցե՛ Հայաստանի Հանրապետությունը»։