Բաժանորդագրվեք araratnews-ի տելեգրամ ալիքին։
Ուկրաինայի նախագահ Վլադիմիր Զելենսկին չի ստացել Միացյալ Նահանգների կողմից սպասվող աջակցությունը G7-ի ամենամյա գագաթնաժողովում՝ Ռուսաստանի դեմ պատժամիջոցների խստացման հարցի շուրջ, Araratnews.am-ի փոխանցմամբ՝ գրում է The Wall Street Journal-ը։
ԱՄՆ նախագահ Դոնալդ Թրամփը վաղաժամ լքել է միջոցառումը՝ բաց թողնելով Զելենսկու և ՆԱՏՕ-ի գլխավոր քարտուղար Մարկ Ռյուտեի հետ Ուկրաինայի վերաբերյալ նախատեսված հանդիպումը։
Հրատարակությունը նշել է, որ գագաթնաժողովում եվրոպացի առաջնորդները փորձել են ապահովել ԱՄՆ-ի աջակցությունը պատժամիջոցների ընդլայնման, այդ թվում՝ ռուսական նավթի գնի սահմանաչափի և ռուսական բանկերի հետ գործարքների սահմանափակման համար։ Սակայն Թրամփը նշել է, որ նոր պատժամիջոցները չափազանց թանկ են ամերիկյան տնտեսության համար և կասկած է հայտնել դրանց արդյունավետության վերաբերյալ։