Բաժանորդագրվեք araratnews-ի տելեգրամ ալիքին։
Ադրբեջանի գործողությունները «Sputnik Азербайджан»-ի լրագրողների դեմ թելադրված չեն նրանց աշխատանքի նկատմամբ պահանջներով, այլ ուրիշ նկատառումներով։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
«Ակնհայտ է, որ սրանք միջոցներ են, որոնք ձեռնարկվում են այլ նկատառումներից ելնելով, այս մասին երեկ կրկին հայտարարվել է դեսպանին», - ասել է Զախարովան։
Նա հավելել է, որ Բաքուն երբեք որևէ պահանջ չի ունեցել հրատարակության կամ իր աշխատակիցների աշխատանքի նկատմամբ։
Ավելի վաղ «Մինվալ» հրատարակությունը հրապարակել էր Սաբայիլի շրջանային դատարանի (որտեղ այժմ որոշվում է խափանման միջոցի հարցը) դահլիճից ձերբակալված ռուս քաղաքացիների լուսանկարը։ Ռուսների դեմքերին նկատվում են դաժան կալանավորման հետքեր։