Բաժանորդագրվեք araratnews-ի տելեգրամ ալիքին։
Ռուսաստանի նախագահ Վլադիմիր Պուտինը հայտարարել է, որ դրական է գնահատում Ռուսաստանի և Ուկրաինայի միջև բանակցությունների և գերիների փոխանակման արդյունքները։
«Ես (Ստամբուլում Ուկրաինայի հետ բանակցությունները) ընդհանուր առմամբ դրական եմ գնահատում։ Ինչպե՞ս կարելի է դրական չգնահատել այն փաստը, որ հարյուրավոր մարդիկ վերադարձել են հայրենիք։ Սա դրական է։ Մարդասիրական նկատառումներով, ինչպես գիտեք, մենք հանձնեցինք հազարավոր զոհված ուկրաինացի զինվորների մարմիններ, իսկ դրա դիմաց ստացանք մեր մի քանի տասնյակ տղաների, որոնք իրենց կյանքը զոհաբերեցին հայրենիքի համար։ Եվ մի՞թե սա դրական չէ։ Իհարկե, սա դրական պահ է», - լրագրողներին ասել է Պուտինը։
Նա նշել է, որ գլխավորը հակամարտության պատճառները վերացնելն է, իսկ խնդիրները խաղաղ ճանապարհով լուծելու համար իրենց անհրաժեշտ են մանրամասն զրույցներ։
Պուտինը նշել է, որ Ուկրաինայի առաջին արձագանքը կարգավորման համար աշխատանքային խմբեր ստեղծելու առաջարկին դրական էր, մինչև նման խմբերի աշխատանքը չսկսվեց։